İnsan necə ölür?
İnsanın
ölümü.
كُلُّ نَفْسٍ ذَائِقَةُ الْمَوْتِ ثُمَّ إِلَيْنَا
تُرْجَعُونَ
“Hər bir canlı ölümü dadacaqdır. Sonra isə Bizim
hüzurumuza (Bizim Bərzəx aləmimizə, Bizim Qiyamət səhnəmizə, Bizim Cənnətimizə
və Cəhənnəmimizə) qaytarılacaqsınız!” (“Ənkəbut” surəsi, 57)
İnsanoğlunun
dünya həyatının sona çatması dilimizdə bir neçə cür ifadə olunur. “Ölüm”,
“dünyasını dəyişmək”, “vəfat etmək” və sair. Bu ifadələrin içində ən uyğunları
“dünyasını dəyişmək” və “vəfat etmək”dir.
Əl-Məvt –
“Ölüm”. Quranda ölüm mənasında istifadə edilmişdir.
“Beləcə onun
(Süleymanın) ölümünə qərar verdiyimiz zaman, ölümünü
onlara əsasını yeməkdə olan bir ağac qurdundan başqası xəbər vermədi...”
(“Səba” surəsi, 14; Bax: “Bəqərə” surəsi, 133, “Ali-İmran” surəsi, 144,“Məryəm”
surəsi 15, 23 və sairə).
Vəfat etmək -
Vəfat sözü (təvəffi) ərəb kəlməsidir, bir şeyi tamamilə götürmək anlamındadır.
Vəfat sözü, vəfa kəlməsi ilə eyni kökə malikdir. Əhdi tamamilə yerinə yetirməyə
vəfa deyilir. İnsan ölümü ilə Allaha tərəf getdiyi və sanki əhdinə vəfa etdiyi
üçün bu cür adlandırılmışdır. (Bax: “Maidə” surəsi 117 və sairə)
Bəli, insan
vəfat edərək Rəbbinə qovuşur.
Ölüm haqqında 3
fərqli nəzər vardır ki, bunlardan ikisi batil, biri isə doğrudur.
1. Ölümü fanilik
hesab edənlər: Bəziləri ölümü fanilik kimi qavrayır və hansı vasitə ilə olursa
olsun insanın yaşamasının vacibliyini vurğulayırlar.
2. İkinci qrup
insan həyatnı yaşayışı dərd-məşəqqət adlandırır. Bu qrup insanlar öncəkilərdən
fərqli olaraq yaşamağa deyil, ölümə meyillidirlər. Onların fikrincə insan hansı
yolla olursa olsun bu dünyadan (dünyanın əzab-əziyyətindən) yaxa qurtarmalıdır.
Bu fikrin daşıyıcıları bu vasitələrin içərisində intiharı da qeyd edirlər.
3. Lakin bu iki
nəzərin fövqündə dayanan məntiqli və ağıllı bir yol daha vardır. İslamın ölümü
keçid etmək üçün istifadə edilən bir körpüyə bənzədir.
Bəli, bu yerdə
“insan düyasını dəyişir” ifadəsi də anlaşılan olur. İnsanlar bu aləmdən ölüm
vasitəsilə digər aləmə köçürlər. Necə ki ana bətni onların bu dünyaya gəlməsi
üçün vasitə olmuşdur.
İnsan necə ölür?
Əcəl - Əcəl sözü
lüğətdə mənası “əvvəlcədən təyin edilmiş zaman” deməkdir. İnsan üçün biçilən
ömür payı sona yetişdikdə insan dünya həyatından köç edir. Əcəli insan
həyatının sonu kimi də anlaya bilərik. İnsanların fərqli səbəblərdən dolayı
ölməsi səbəbindən əcəlin növləri də müxtəlif olur.
Əcəlin növləri.
Qurani-Kərim
insan üçün iki növ əcəl qeyd etmişdir: “Sizi (birinci ata-ananızı birbaşa, o
ikisinin nəslini isə vasitə və mərhələlər keçməklə) palçıqdan yaradan, sonra
(sizin hər biriniz üçün ömür) müddət(i) müəyyənləşdirən Odur. Müəyyən olunmuş
bir müddət də Onun yanındadır (şərti əcəli “məhv və isbat” lövhəsində yazıb,
qəti əcəl isə “Lövhi-Məhfuz”dadır, yaxud bu dünyada olan gerçəkliklərdir). Siz
(bu qüdrət, nəzm və hikməti müşahidə etdikdən sonra Allah və ya Qiyamət
barəsində) yenə də şəkk edirsiniz?” (“Ənam” surəsi, 2)
1. Musəmma –
Təbii əcəl, qəti əcəl. İnsanların çox az hissəsi təbii əcəl ilə dünyadan köçür.
2. Muəlləq – Hər
hansı bir hadisəyə bağlı olan ölüm. Ölümü tezləşdirən səbəblər.
Hədis:
“Günahları səbəbindən ölənlərin sayı əcəl səbəbindən ölənlərin sayından çoxdur.
Ehsan səbəbi ilə uzun yaşayanların sayı təbii ömür yaşayanların sayından
artıqdır.”
Hədis: “Allaha
pənah aparıram o günahlardan ki, ölümü yaxınlaşdırır, evləri viran qoyur.”
Hadisələrlə
bağlı olaraq baş verən ölümlər özü də müxtəlif cür ola bilər. Lakin ən yaxşısı
və şərəflisi “qırmızı ölüm” adlanan şəhidlikdir.
“Vaxtsız ölüm” ifadəsi Allaha asilikdir?
Əcəlin
növlərində öyrəndik ki muəlləq – hadisələrə bağlı olan - qeyri təbii ölüm
musəmma – Allah tərəfindən təyin olunmuş təbii əcəli qabaqlasa onda bu ölüm
insanın ya öz günahı yaxud özündən asılı olmayan bir hadisənin baş verməsi
səbəbindən baş vermişdir. Qeyri təbii ölüm hadisələrinə “vaxtsız ölüm” desək
heç yanılmarıq. Çünki, bu cür ölümlər Allahın təyin etdiyi musəmma – ölümü
qabaqlamışdır.
Bəzən bir
cavanın qeyri təbii yollarla (təbiət hadisələri, qəzalar, ölümcül xəstəlik və
sairə) vəfat etməsi onu itirənlərə acı verir və kimsə onun vaxtsız dünyadan
getdiyini dilinə gətirirsə burada Allaha asi olacaq bir əməl yoxdur. Çünki o,
həqiqəti demişdir.
Mahir Şəkərov - İlahiyyatçı, araşdırmaçı.
Yorumlar
Yorum Gönder