Qəbir üzərinə niyə su səpilir?
Meyyit dəfn edildikdən sonra məzarının üzərinə su səpmək müstəhəbb hesab
olunur. Bəziləri bunu şaman inancından qaynaqlandığını söyləsə də bu deyilənlər
həqiqəti əks etdirmir.
Meyyit qəbrə qoyulduqdan sonra üzərinə su tökmək əslində Allah Rəsulunun
(s) həyata keçitdiyi bir əməldir.
“Əl-Məvsulatul-Fiqhiyyə” kitabının qeyd etdiyinə görə Hənəfilər, Şafeilər
və Hənbəlilər, ölü dəfn edildikdən sonra qəbrin üzərinə su səpməyi sünnət bilirlər.
Çünki Allah Rəsulu (s) Sad bin Muazın qəbrinə su səpmiş və Osman bin Mazunun da
qəbrinə su səpməsini əmr etmişdir.
Şafeilər və Hənbəlilər ayrıca bunu da əlavə etmişlər: “Qəbrin üzərinə kiçik
çınqıl daşları da qoyulmalıdır. Çünki, Muhəmməd bin Cəfər, atasından belə
rəvayət etmişdir: “Peyğəmbər (s) oğlu İbrahimin qəbrinin üzərinə su səpdi və
üzərinə çınqıl daşları qoydu.”
(“Əl-Məvsuatul-Fiqhiyyə” c. 32, s. 250. Daha
ətraflı bax: “Təbyinul-Həqaiq”, c. 1, səh. 246; “Əsnal-Mətalib”, c. 1, səh.
328; “Kəşful-Qina”, c. 2, səh. 138)
Allah Rəsulu (s) oğlu İbrahimin və digər
səhabələrin də qəbrinin üzərinə də su səpmişdir. Biz burada nümunə üçün bəzisin
qeyd etdik.
Qəbrin üzərinə su səpmək əsasən qumlu və səhra
tipli ərazilər üçün xarakterikdir. Belə ki, qəbrin torpağının külək vasitəsilə
aradan getməməsi, torpağın su vasitəsilə möhkəmlənməsi və beləliklə vəhşi
heyvanların qəbri aça bilməməsi kimi səbəblərdən dolayı bu proses olduqca
münasibdir. Qəbrin üzərinə daşların qoyulması da qəbrin möhkəm olması və qəbrin
aradan getməməsi üçün münasibdir.
Bundan əlavə Səhihi Buxari və Müslimdə yer alan
məşhur bir hədisdə bu mövzuya dəlil kimi istifadə olunur.
Allah Rəsulunun (s) bir qəbiristanlıqdan
keçərkən iki qəbirdə yatanların bəzi kiçik qüsurlardan ötrü qəbirlərində əzab
çəkdiklərini görmüşdü. Biri sözgəzdirənlik etmək, digəri də ayaqyolunda
təmizliyə riayət etməmək üzündən bu sıxıntıya düşmüşdülər. Yerdən yaş bir ağac
budağı götürərək iki yerə böldü və qəbirlərin başına basdırdı. Səbəbini soruşan
səhabələrə: “Bu iki budaq qurumadığı müddətcə onların çəkdikləri əzabın
yüngülləşməsi ümid olunur” - buyurdu. (“Buxari”, Cənaiz, 82, 89; “Müslim”,
İman, 34; “Əbu Davud”, Təharət, 26.)
Qəbirlərin üzərinə yaşıl bitkilərin, yaxud
qəbrin yaxınlığında həmişəyaşıl ağac və kolların əkilməsi adəti də məhz bu
hədisə istinad edilir.
Bəzi mənbələrdə qəbirlərə su səpmək də eyni ilə
yaş ağac hökmündə olduğu, torpaq rütübətli olduğu zamana qədər qəbir əhlindən
əzabın götürüldüyü də qeyd olunmaqdadır.
İmam Nəvəvi deyir: “Peyğəmbər (s) qəbrə yaş ağac
basdırıb deyirsəə ki, bu ölüyə xeyirdir. Onda heç şübhə yoxdur ki, Quran da
ölüyə faydalıdır.” (“Səhihi Müslim” c. 3, səh. 61)
Müsəlmanın dirisi və ölüsü çox möhtərəmdir. Fiqh
kitablarında rast gəldiyimiz bir sıra şəri məsələlər buna görə qeyd olunub.
Məsələn: Qəbrin ətrafını zibilləməmək, qəbrin üzərinə nəcasət bulaşdırmamaq,
qəbri tapdalamamaq, üzərinə oturmamaq və sairə. Hətta qəbiri açılarkən belə
ölünün sümüklərini hörmətsizcəsinə ora-bura atmaq, sındırmaq şəriətdə qadağan
edilmişdir. Allah Rəsulu (s) buyurmuşdur: “Mömin ölü ikən onun sümüyün
sındırmaq diri ikən sındırmağa bərabərdir.” (“İbn Macə” c. 1, səh. 516)
Odur ki, qəbri təmiz saxlamaq, üzərini su ilə
təmizləmək, ətrafına, üzərinə yaşıllıq əkmək bəyənilən işdir.
Mahir Şəkərov – İlahiyyatçı, araşdımaçı.
Yorumlar
Yorum Gönder