Bədbəxt kimdir?

BƏDBƏXT və XOŞBƏXT -  Bir-birinə qarşı əks məna daşıyan iki kəlimə. Başqa sözlə desək bir antonim nümunəsi.
Yaşadığımız zaman çərçivəsində işlətdiyimiz, eşitdiyimiz və əməli cəhətdən müşahidə etdiyimiz bir təzad...
Bu kəlimələrə, yaşadığımız maddi dünya pəncərəsindən baxdığımızda bir cür, ilahi qanunlar əsasında, ilahi baxışla baxdığımızda isə başqa cür məna etmək mümkündür.
Əgər sorğu keçirib "bədbəxt və xoşbəxt kimdir" sualına cavab axtarmaq istəsək, müxtəlif və bir-birinə uymayan fikirlərlə qarşılaşarıq. Buna nümunə kimi Azərbaycanda keçirilən müxtəlif sadə sorğuları misal çəkmək olar.  "Sizin fikrinizcə Allah neçə dənədir" sualına gənc universitet tələbələri müxtəlif rəqəmlər söyləyərək tapmaca tapırlarsa, onda digərlərini siz düşünün...
Mən nümünəni əziz İslam peyğəmbərimizin (s) öz səhabələri ilə keçirtdiyi sorğudan gətirmək istəyirəm. Bir gün Allah Rəsulu ətrafına cəm olanlara (s) qul haqqından, insanları incitməkdən söhbət edirdi. Onlara başa salmaq istəyirdi ki, dünyada insanlara istənilən şəkildə əziyyət edənlər Qiyamətdə bunun əvəzini ya öz saleh əməlləri ilə ya da əziyyət etdiyi şəxsin günahlarını daşımaqla cəzalandırılacaqlar.  Və Allah Rəsulu (s) onlarla bu sorğunu keçirtdi. O həzrət buyurdu: "Sizcə müflis kimdir?"  Yanındakılar  dedilər: Bizim fikrimizcə, müflis o şəxsdir ki, dünya malından əlində bir şey olmaya. Biz bu cür kimsələri müflis hesab edirik.
Allah Rəsulu (s) buyurdu: "Xeyr!  Həqiqi müflis odur ki, dünyada xeyir əməllər yerinə yetirər, amma Qiyamət günü Cəhənnəmə daxil olar. Dedilər: Ey Allahın peyğəmbəri (s) , bu necə mümkün ola bilər?
Allah Rəsulu (s) buyurdu: Həmin şəxs, dünyada yaxşı və xeyir əməllər etsə də, dünyada insanları söz, əməl və davranışları ilə incitmişdir. Qiyamət günü, həmin haqq sahibləri haqlarını ondan tələb edəcək. Həmin şəxs də öz xeyir əməllərini haqq sahiblərinə bir-bir verəcək və özünə heç bir xeyir əməl qalmaz. Belə olan surətdə onu Cəhənnəmə daxil edəcəklər. Agah olun! Ümmətin ən müflis şəxsləri, bu cür əməl sahibləridir.
Diqqət etdinizmi?!  Deməli, istənilən mövzu zamanı bizə ən yaxşı bələdçi Quran və səhih hədislərdir. Elə isə gəlin görək, Quran baxımından "BƏDBƏXT və XOŞBƏXT"lər kimlərdir?
Qurani Kərim "bədbəxtliyin və xoşbəxtliyin" meyarını belə bəyan edir;
"O gün (Qiyamət günü) gəlib çatdıqda Onun (Allahın) izni olmadan kimsə danışa bilməz. İnsanlardan bir qismi bədbəxt, digər qismi isə xoşbəxt olacaqlar. Bədbəxt olanlar od içərisindədirlər. (Cəhənnəmdə qalacaqlar) Onları orada uzun-uzadı ah-nalə gözləyir. Rəbbinin istədiyi (tövhid və iman əhli) istisna olmaqla, onlar orada əbədi qalacaqlar. Həqiqətən Rəbbin istədiyini edər. (Hud sürəsi 105-106)
Deməli, Quran baxımından Cəhənnəm əhli "bədbəxt" Cənnət əhli isə "xoşbəxt" hesab olunur.
Mövzumuzu Quranla davam etdirərək, Quran baxımından "bədbəxt"lərin (Cəhənnəm əhlinin) bir qismini sizə təqdim edirik.
1.     Kafirlər (Bəqərə 39)
2.     İlahilik iddiasında olanlar (Fatir 36)
3.     Müşriklər (Nisa 36)
4.     Övladını öldürmək (Ənam 137)
5.     Napaklıq (Tövbə 28)
6.     Möminlərlə düşmənçilik (Maidə  82)
7.     Əməllərin puç olanlar (Ənam 88)
8.     Yolu azanlar (Nisa 116)
9.      Sərt yanaşma (Tövbə 5)
10.                        İstiğfar nemətindən məhrum olanlar (Tövbə 113)
11.                       Bağışlanmadan məhrum olanlar (Nisa 48)
12.                        Süqut və bədbəxtçiliyə düçar olanlar (Həcc 31)
13.                       Cənnətdən məhrum olanlar (Maidə 72)
14.                       İlahi köməkdən məhrum olanlar ( Maidə 72)
15.                       Axirətdə məzəmmət olunanlar (Ənam 22)
16.                       Qiyamət günündə rüsvayçılıq (Nəhl 27)
17.                       Qiyamət günündə istehza olunanlar  (Kəhf 52)
18.                       Cəhənnəm əhli olanlar (Bəqərə 204-206)
19.                       Möminlər arasına təfriqə salanlar (Tövbə 107)
20.                       Cihaddan boyun qaçıranlar (Ali-İmran 167)
21.                       İman gətirməkdən imtina edənlər (Bəqərə 13)
22.                       Arzulara aldananlar (Hədid 14)
23.                       Zahiri xoş, batini bəd (Bəqərə 204)
24.                       Tağutun mühakiməsindən razı olanlar (Nisa 60)
25.                       İkiüzlülər (Bəqərə 14)
26.                       Yalan danışanlar (Munafiqun 1)
27.                       Peyğəmbər və möminlərlə düşmənçilik (Munafiqun 4)
28.                       Allah düşmənləri ilə dosluq ( Mücadilə 14)
29.                       Peyğəmbərin istiğfarından üz çevirənlər (Munafiqun 5)
30.                       Haqsan üz döndərənlər ( Nisa 61)
31.                       Allahın və peyğəmbərin hökümətindən üz çevirənlər ( Nur 47)
32.                        Riyakarlıq edənlər (Nisa 142)
33.                       Sərgərdanlıq edənlər (Nisa 143)
34.                       Hər şeydən şübhə duyanlar (Tövbə 45)
35.                       Möminləri məzəmmət edənlər (Ali-İmran 168)
36.                       Şayiə yayanlar ( Nisa 83)
37.                       Möminlərə zərbə vurmaq ( Tövbə 107)
38.                       Kafirin yanında izzət axtaranlar (Nisa 139)
39.                       Özlərini izzətli bilənlər ( Munafiqun 8)
40.                       Eyib axtaranlar (Tövbə 58)
41.                       Fitnə-fəsad törədənlər (47-48)
42.                       Allahı unudanlar (Tövbə 67)
43.                       Yalan yerə and içənlər ( Mücadilə 14-16)
44.                       Namaza qarşı rəğbətsizlik edənlər (Nisa 142)
45.                       Kafirlərlə dost olanlar ( Nisa 138-139)
46.                       Allah yolunda xərcləməyə ikrah duyanlar (Tövbə 54)
47.                       Allahı daha az yad etmək (Nisa 142)
48.                       Azğınlığa düçar olanlar (Nisa 88)
49.                        Allahın qəzəbinə düçar olanlar ( Fəth 6)
50.                       Allahın lənətinə düçar olanlar (Tövbə 68)
51.                       İnamsızlıq edənlər (Əhzab 12)
52.                       Düşüncəsizlik edənlər (Munafiqun 7)
53.                       Hiyləgərlik edənlər (Bəqərə 8-9)
54.                       Fasiqlik edənlər (Tövbə 67)
55.                       Yalan yerə vəd verənlər (Həşr 11-12)

Burda qeyd olunanlar "bədbəxt"lərin (Cəhənnəm əhlinin)  bir qismi idi.


İndi bildinizmi "BƏDBƏXT" KİMDİR?!

Mahir Şəkərov.

Yorumlar

Yorum Gönder

Bu blogdaki popüler yayınlar

Müəllimə hörmət, Allaha və Onun Rəsuluna (s) hörmətdir

Resim
Ən şərəfli peşələrdən biri məhz müəllimlikdir. Hansı peşənin sahibi olursa olsun, müəllimə ehtiyaclıdır. Nəzərə alaq ki, müəllimin özü də müəllimə möhtacdır. Yeganə müəllim Allahdır ki, hər bir şeydən ehtiyacsızdır. Müəllimlik peşəsi müqəddəs bir peşədir. Bu müqəddəslik o qədər alidir ki, uca Yardanımız belə özünü müəllim adlandırır: “Allah insana Quranı öyrətdi.” (“Rəhman” surəsi, 1-2-ci ayə) “Allah insanlara bilmədiklərini öyrətdi.” (“Rəhman” surəsi, 5)   “Allah Adəmə müəllimlik etdi. Ona elm öyrətdi”. (“Bəqərə” surəsi, 31) Müəllimlik peyğəmbərlərin sifətlərindəndi. Allah byurur: “Peyğəmbərləri sizə müəllimlik etsin deyə göndərmişik.” Hədis: “Biz peyğəmbərlər ona görə gəlmişik ki, insanlara müəllimlik edək. Onlara bilmədiklərini öyrədək.” Müəllimlik o qədər ucadır ki, Həzrəti Əli (ə) buyurardı: “Kim mənə bir hərf öyrətsə ona qul olaram” Müəllimə necə hörmət edək? Bir neçəsini qeyd edək: 1. Həzrəti Əli (ə) buyurur: Şah da olsan, hakim də olsan müəllimin gələ...
Devamı

"Radikal və Radikalizm." - Elmi terminin faciəli aqibəti

Resim
Radikal – Nədir radikal və kimdir radikal? Bəzilərinin bilib bilmədən danışdığı, haqq-nahaq istifadə etdiyi bir söz... Radikal fransız (bəzi kitablarda yunan (latın) ) sözü olub, köklü dəyişiklik tərəfdarı, mənasına gəlir. Əlbəttə bu onun ilk və bir mənasıdır. Bu söz müxtəlif elmi sahələrdə də istifadə edilmişdir. Radikal sözü elmdə. Radikal sözü Riyaziyyatda: “Kökalma əməliyyatını, eləcə də kökalmanın nəticəsini göstərən işarə (√).” Radikal sözü Kimyada: “Bir birləşmədən digərinə dəyişikliksiz keçən atomlar qrupu.” Radikal sözü Siyasətdə: “Baxışlarında və dəyişikliklərdə kəskin mövqe tutan və radikalizm tərəfdarı olan şəxs.” “Radikallar partiyasının (sol siyasi partiyalardan birinin) üzvü, yaxud onun tərəfdarı olan şəxs (bu partiyaların proqramında dövlət çərçivəsində və onun mənafeyinə uyğun olaraq demokratik islahat irəli sürülür).” Radikal sözü, lüğətdəki mənaları. Radikal sözünün xüsusi mənası: - Radikal odur ki, fikir və ya əməldə həddi aşır. (Unutmayaq ki...
Devamı

Dünyasını dəyişənlərə ağlamaq və onlara yas saxlamaq olarmı? (Quran, hədis, tarix)

Resim
Ağlamaq fitri bir işdir: Əvvəla bunu bilək ki, insanın ağlaması fitri bir məsələdir. Yəni bu işi Allah özü insanın daxilində qərar vermişdir. Elə buna görə də heç bir ilahi hökm insan fitrətinə zidd deyildir. İnsanoğlu yaşayışında müxtəlif hadisələrlə qarşılaşır. Hadisələr gərəyi bəzən insan gülür bəzən isə ağlayır. Ağlamaq və gülmək insanoğlunun təbii ehtiyacıdır. İnsana üz verən müsibət zamanı ağlamaq insanı daxili böhrandan, acıdan uzaqlaşdırır. İnsan bəzən qəm və qüssədən ağalayarkən, bəzən isə sevincdən ağlayır. Dilimizdə də istifadə olunan “sevinc göz yaşları” bu halın sözlə ifadəsidir. Göz yaşı qəlbdə olan acının kədərin görünən formasıdır. Göz yaşı batindəki acının zahirdəki təcəssümüdür. Quran və dini rəvayətlərdə gəlmişdir ki, insan ağlamaq vasitəsi ilə qəlbinin pasını təmizləyir və tövbə üçün zəmin yaradır. Tövbənin daha tez qəbul olunma şərtindən biri də ağlar gözlə edilən duadır. Bir sözlə ağlamağın insana həm tibbi, həm ruhi həm də siyasi faydası vardır. Saxta ...
Devamı