Kəbə faciəsində şəhid olmuş bir atanın hekayəsi... “Darıxma əziz balam gələcəyəm”...

Həcc mövsümüdür. Müsəlmanlar dünyanın dörd bir tərəfindən ilahi çağırışa itaət edərək axın-axın bu ilahi və müqəddəs evə tərəf axışırlar. Amma onlar, onları gözləyən faciədən xəbərsizdirlər. Evlərindən, evlərinə dönmək ümidi ilə ayrılırlar. Bəziləri öz yaxınlarını sonuncu dəfə görür. Daha onları görməyəcəkdir.
Kiçik bir körpə ağlayır atasının arxasınca... Sanki nəsə demək istəyir.  Ağlayır, göz yaşı tökür.  Atası, “əziz balam! Darıxma, gələcəyəm” deyir. Amma körpənin ağlamağı daha da şiddətlənir. Görəsən bu məsum körpə niyə göz yaşı tökür? O pak qəlbinə bir şeymi danmışdı? Baş verəcək faciələrdən xəbərdardırmı?
Atası körpənin göz yaşlarını silib, o kiçik əllərini öpür və göz yaşları içərisində qərq olan o kiçik gözlərinə baxır. Anası, balasını qucağına alaraq, “gəl əziz balam! Atan gecikər” deyir. Körpə o kiçik əllərini anasının çiyninə çırparaq yaralı quş kimi çabalayır. Axı o yetim qalacaq... O kiçik  körpənin hıçqırıqlarını atası müqəddəs Məkkə şəhərində şəhid olarkən anlayacaq...
Və yola düşür... Amma qulağından getmir o hıçqırıqlar. Xəyala dalır. Ailəsini, evini, əziz balasını düşünür...
Artıq Allah evinin qonaqları müqəddəs şəhərdədirlər. Gözlərini Kəbə evinə dikiblər. Sevinc və həsrət göz yaşları bir-birinə qarışıb.
Kəbə, gözəl Kəbə! Öz mövlasına qucaq açan Kəbə. Ey Kəbə! Səndə o qədər acılı və şirinli xatirələr var ki...    Dəhvul-ərzdə yaranan, zaman keçdikcə aradan gedən Kəbə. Mələklərin Hz Adəmin yaranışına etirazından sonra ərşdə mələklərin tövbəgahına çevrilən Kəbə. Hz Adəmin xilqətindən iki min il öncə, mələklərin səcdəgahı olan Kəbə. Quran və hədislərə əsasən yer üzündə ilk tikili olan Kəbə. Hz Adəmin ilk dəfə tikib, ucaltdığı Kəbə. Adəmdən sonra  Şis (ə)-ın  yenidən təmir etdiyi Kəbə. Nuh (ə) –ın tufanından sonra zədələnmiş, Allahın əmri ilə, İbrahim (ə) tərəfindən təmir edilən Kəbə.
Və beləliklə günümüzəcən dəfələrlə təmir olunan Kəbə.
Kəbə yenə qəmlidir. Ətrafına pərvanə kimi dolanan zəvvarlarına baxır. “Ləbbeyk, Allahummə ləbbeyk” sədaları yeri- göyü doldurub. Və birdən bu zikirlər hay-küy, qışqırıq sədaları ilə əvəz olunur. Kəbədə qan töküldü. Amma nə qılıncla nə xəncərlə və nə də silahla. Üstlərinə  düşən bir  kranın vasitəsi ilə.  Mən düşənmi dedim? Yox! Yox! Üstlərinə bomba kimi atılan bir kran.  Çox incə dəqiqliklə, lazım olan vaxtda, lazım olan yerə düşən kran. Neçə müddətdir, düşməsini saniyə bə saniyə gözləyən bir kran. Kəbədə qan töküldü. Kəbəyə hörmətsizlik olundu. Kəbəni möminlərin zikr və dua sədaları bürüməli ikən, onların vay-şivən səsləri oranı bürüdü. Tökülən qanları Kəbəni suladı. Cəsədləri ətrafını bəzədi. Bu dəfə Kəbə öz qonaqlarının başına dolanırdı. Bu dəfə Kəbə öz qonaqlarına göz yaşı tökürdü. Amma korlar bunu görmədi. Onların gördükləri sadəcə zahir oldu və ağızlarını açıb gözlərini yumdular.Səslərini o qədər yüksəltdilər ki, az qala fitrətlərinin, vicdanlarının da səsini də boğacaqdılar. Amma boğa bilmədilər. Çünki o ilahi bir sədadır, o ilahi bir şahiddir, o hakimdir,o ilahi bir nurdur.
Mədinədə ağlayan bir göz var. Mübarək bir göz. Allah evinin qonaqlarının başına gətirilən müsibətlərə ağlayır. Yanan çadırlardan ucalan səslər Bəqiyə də yetişir. Birazdan yenə bir hadisə olacaq. Planlaşdırılmış bir hadisə. Birazdan yüzlərlə zəvvar dünyasını dəyişəcək. Zalım kralın oğlunun maşın karvanının gəlişi və yolların bağlanması və beləliklə də insan sıxlığı nəticəsində  yüzlərlə insan bu müqəddəs torpaqlarda canını Allaha tapşırdı. Bu zalımların törətdiklərini, görməməzlikdən gəlib, onları müdafiə edib haqq qazandıranlar, vicdanını və şərəfini itirmişlərdən  başqa kim ola bilər?!
Hər an şəhid olan zəvvarların sayı artır. Və birdən kiçik balası ilə vidalaşan atanı xatırlayıram. Görəsən o hardadır? Ayaqlar altda o qədər cənazə var ki, hərəkət etmək mümkün deyil. Amma gözlərim o atanı axtarır. Və axtardığımı tapıram.Cənazələr içərisində gözləri yaşarmış bir ata var. Kiçik körpəsini xatırlayır. O kiçik körpənin hıçqırıqlarını indi anlayır, indi başa düşür. Kəbəyə tərəf baxır yaşarmış gözləri ilə. Və bir təbəsüm qonur üzünə. Bu təbəssüm ilə sona çatır hər şey. Artıq o göylərə ucalır. Yuxarıdan seyr edir ruhsuz bədənini.  Ucalır, ucaldıqca kiçilir hər şey və dünyada son bir mənzərəni görür, Kəbəni. Artıq o da getdikcə gözdən itir. Və birdən bir səs eşidir. “Həccin mübarək olsun!” “Şəhadətin mübarək olsun!”  “Xoş gəldin ey şəhid!”
Və beləliklə zəvvar olan atanın hekayəsi də bu sonluqla bitir. İndi bildinizmi o “şəhid ata” kimdir?
İlahiyyatçı, yazar.

Yorumlar

Yorum Gönder

Bu blogdaki popüler yayınlar

Müəllimə hörmət, Allaha və Onun Rəsuluna (s) hörmətdir

Resim
Ən şərəfli peşələrdən biri məhz müəllimlikdir. Hansı peşənin sahibi olursa olsun, müəllimə ehtiyaclıdır. Nəzərə alaq ki, müəllimin özü də müəllimə möhtacdır. Yeganə müəllim Allahdır ki, hər bir şeydən ehtiyacsızdır. Müəllimlik peşəsi müqəddəs bir peşədir. Bu müqəddəslik o qədər alidir ki, uca Yardanımız belə özünü müəllim adlandırır: “Allah insana Quranı öyrətdi.” (“Rəhman” surəsi, 1-2-ci ayə) “Allah insanlara bilmədiklərini öyrətdi.” (“Rəhman” surəsi, 5)   “Allah Adəmə müəllimlik etdi. Ona elm öyrətdi”. (“Bəqərə” surəsi, 31) Müəllimlik peyğəmbərlərin sifətlərindəndi. Allah byurur: “Peyğəmbərləri sizə müəllimlik etsin deyə göndərmişik.” Hədis: “Biz peyğəmbərlər ona görə gəlmişik ki, insanlara müəllimlik edək. Onlara bilmədiklərini öyrədək.” Müəllimlik o qədər ucadır ki, Həzrəti Əli (ə) buyurardı: “Kim mənə bir hərf öyrətsə ona qul olaram” Müəllimə necə hörmət edək? Bir neçəsini qeyd edək: 1. Həzrəti Əli (ə) buyurur: Şah da olsan, hakim də olsan müəllimin gələ...
Devamı

"Radikal və Radikalizm." - Elmi terminin faciəli aqibəti

Resim
Radikal – Nədir radikal və kimdir radikal? Bəzilərinin bilib bilmədən danışdığı, haqq-nahaq istifadə etdiyi bir söz... Radikal fransız (bəzi kitablarda yunan (latın) ) sözü olub, köklü dəyişiklik tərəfdarı, mənasına gəlir. Əlbəttə bu onun ilk və bir mənasıdır. Bu söz müxtəlif elmi sahələrdə də istifadə edilmişdir. Radikal sözü elmdə. Radikal sözü Riyaziyyatda: “Kökalma əməliyyatını, eləcə də kökalmanın nəticəsini göstərən işarə (√).” Radikal sözü Kimyada: “Bir birləşmədən digərinə dəyişikliksiz keçən atomlar qrupu.” Radikal sözü Siyasətdə: “Baxışlarında və dəyişikliklərdə kəskin mövqe tutan və radikalizm tərəfdarı olan şəxs.” “Radikallar partiyasının (sol siyasi partiyalardan birinin) üzvü, yaxud onun tərəfdarı olan şəxs (bu partiyaların proqramında dövlət çərçivəsində və onun mənafeyinə uyğun olaraq demokratik islahat irəli sürülür).” Radikal sözü, lüğətdəki mənaları. Radikal sözünün xüsusi mənası: - Radikal odur ki, fikir və ya əməldə həddi aşır. (Unutmayaq ki...
Devamı

Dünyasını dəyişənlərə ağlamaq və onlara yas saxlamaq olarmı? (Quran, hədis, tarix)

Resim
Ağlamaq fitri bir işdir: Əvvəla bunu bilək ki, insanın ağlaması fitri bir məsələdir. Yəni bu işi Allah özü insanın daxilində qərar vermişdir. Elə buna görə də heç bir ilahi hökm insan fitrətinə zidd deyildir. İnsanoğlu yaşayışında müxtəlif hadisələrlə qarşılaşır. Hadisələr gərəyi bəzən insan gülür bəzən isə ağlayır. Ağlamaq və gülmək insanoğlunun təbii ehtiyacıdır. İnsana üz verən müsibət zamanı ağlamaq insanı daxili böhrandan, acıdan uzaqlaşdırır. İnsan bəzən qəm və qüssədən ağalayarkən, bəzən isə sevincdən ağlayır. Dilimizdə də istifadə olunan “sevinc göz yaşları” bu halın sözlə ifadəsidir. Göz yaşı qəlbdə olan acının kədərin görünən formasıdır. Göz yaşı batindəki acının zahirdəki təcəssümüdür. Quran və dini rəvayətlərdə gəlmişdir ki, insan ağlamaq vasitəsi ilə qəlbinin pasını təmizləyir və tövbə üçün zəmin yaradır. Tövbənin daha tez qəbul olunma şərtindən biri də ağlar gözlə edilən duadır. Bir sözlə ağlamağın insana həm tibbi, həm ruhi həm də siyasi faydası vardır. Saxta ...
Devamı