O Fatimədir, Fatimə.

O, aləmlərə rəhmət olaraq göndərilənin qızıdır.
O, "Həqiqətən də sən ən gözəl əxlaq sahibisən" (Qələm 4) deyə xitab olunanın qızıdır.
O, Allahın "usvətun –həsənətun" - "ən gözəl nümunə" deyə bizə tanıtdırdığı Rəsuli-Əkrəmin qızıdır.
O, mübarək adı Quranda dörd dəfə zikr olunanın qızıdır.
O, Allahın, mələklərin və insanların salavat göndərdiyi (Əhzab 56) şəxsin qızıdır.
O, Məqami Məhmuda yetişənin qızıdır.
O, "Ya peyğəmbər (s) sən onların arasında olduğun müddətcə Allah onlara əzab verən deyildir." (Ənfal 33) deyə adı rəhmətlə anılanın qızıdır.
O, cənnət xanımlarından biri olan Hz Xədicənin qızıdır.
O, bütün sərvətini İslama fəda edənin qızıdır.
O, bütün ömrü boyunca peyğəmbərə (s) dayaq olanın qızıdır.
O, vəfatı ilə Allah Rəsulunu (s) qəm dəryasına qərq edənin qızıdır.
O, Kəbənin ona qucaq açdığı şəxsin həyat yoldaşıdır.
O, Allah Rəsulunun (s) "qardaşım" deyə xitab etdiyi şəxsin həyat yoldaşıdır.
O, peyğəmbərə (s) ilk iman gətirən, ilk dəfə onunla namaz qılan və mağarada ona həmdəm olan şəxsin həyat yoldaşıdır.
O, "Ləylətul-Məbit" gecəsində ölümü gözə alaraq Allah Rəsulunun (s) yatağına yatan şəxsin həyat yoldaşıdır.
O, məscidə açılan bütün qapılar bağlandığı zaman, qapısı açıq qalan yeganə şəxsin həyat yoldaşıdır.
O, Allah Rəsulunun (s) Mədinəyə hicrətindən sonra, bir ənsar bir mühacir ilə, qardaş olduğu zaman tək qalan və beləliklə Allah Rəsulu (s) ilə qardaşlıq peymanı oxuyan şəxsin həyat yoldaşıdır.
O, əksər döyüşlərdə misilsiz şücaət göstərənin həyat yoldaşıdır.
O, Mübahilə və Bəraət ayəsində peyğəmbərin (s) özü və canı kimi qeyd olunanın həyat yoldaşıdır.
O, Hz Cəbrailin (ə) "La fəta illə Əli, la səyfə illə Zülfüqar" deyə xitab etdiyi şəxsin həyat yoldaşıdır.
O, Onu tərif və mədhini deməklə bitirə bilməyəcəyimiz uca bir şəxsin həyat yoldaşıdır.
O, təvazösü ilə dillər əzbəri olanın anasıdır.
O, namaza durduğu zaman, Allahın əzəmət və qorxusundan bədəni titrəyənin anasıdır.
O, Qiyaməti xatırladığı zaman ağlayanın anasıdır.
O, 25 dəfə Kəbə ziyarətinə gedənin anasıdır.
O zəhərin təsirindən ciyəri parçalananın anasıdır.
O bütün ailəsini, malını, qanını və canını İslama fəda edənin anasıdır.
O, İslam ağacını öz qanı ilə sulayanın anasıdır.
O, başı bədənindən qoparılanın anasıdır.
O, başı nizəyə taxılanın anasıdır.
O, xeyməsi qarət olunanın anasıdır.
O, Kərbəla çölünü gülüstana çevirənin anasıdır.
O, "Kərbəlada gözəllikdən başqa bir şey görmədim" deyənin anasıdır.
O, Yezidin qabağında bir dağ kimi dayanın anasıdır.
O, Kərbəla həqiqətlərini ən gözəl şəkildə təbliğ edənin anasıdır.
O, qəmdən qocalanın anasıdır.
O qolları kəsilənin anasıdır.
O, gözləri oxlananın anasıdır.
O, ən gözəl səcdə edənin anasıdır.
O, hər dəstnamaz aldıqda susuz şəhid olmuş atasına ağlayanın anasıdır.
O, İslami həqiqətləri ən gözəl duaları ilə insanlara çatdıranın anasıdır.
O, elmlərin bağrını dələnin anasıdır.
O, Allah Rəsulunun (s) ona salam göndərdiyi şəxsin anasıdır.
O, qulam və fəhlələrlə birgə işləyib onlarla birgə yemək yeyənin anasıdır.
O, Kəbəni gördükdə göz yaşlarına boğulanın anasıdır.
O, hələ uşaqlığından elmi dillər əzbəri olanın anasıdır.
O, Hz Əlidən sonra "Məni itirməmişdən əvvəl soruşun." deyən yeganə şəxsin anasıdır.
O, Mədinənin qaranlıq küçələrində fəqir və yoxsullara yemək və pul verənin anasıdır.
O qəzəbini udaraq səbr və mülayimliyə çevirənin anasıdır.
O, "zindan nə gözəl ibadət yeridir" deyib, zindanı ilahi bir fəzaya çevirənin anasıdır.
O, öz əməl və itaəti ilə Allahı razı salanın anasıdır
O, "Ali-Muhammədin alimi" ləqəbi ilə tanınanın anasıdır.
O, kərəm və səxavəti ilə tanınanın anasıdır.
O, hələ kiçik yaşlarında ikən insanlara nur olmuşun anasıdır.
O, müstəhəb namazlara aşiq olanın anasıdır.
O, ömrünün az olmasına baxmayaraq, bir neçə dəfə həccə müşərrəf olanın anasıdır.
O, bütün yaxşı əməllərin, onun pak vücudu ilə rövnəq tapdığı şəxsin anasıdır.
O, Allahın rizayət və razılığını qazanmaq üçün yetim və əsirlərə kömək edənin anasıdır.
O, etdiyi bəxşişlərlə hətta dövrünün ən zəngin şəxslərini arxada qoyanın anasıdır.
O, öz dövrünün şəraitinə uyğun bir həyat tərzi seçərək və beləliklə zahidanə bir həyat yaşayanın anasıdır.
O, uzun müddət əsgərlərin əhatəsində qalanın anasıdır.
O, heç vaxt həcc ziyarətində ola bilməyənin anasıdır.
O, gözlərdən pünhan olunmuşun anasıdır.
O, 313 nəfər əsgərin intizarında olanın anasıdır.
O, günahlarımız ucbatından zühuru gecikənin anasıdır.
O, dünyanı ədalətlə dolduracaq şəxsin anasıdır.
O, zülmün kökünü kəsənin anasıdır.
O, məzlumların köməkçisinin anasıdır.
İndi bildinizmi o kimdir? O Fatimədir, Fatimə.

Mahir Şəkərov - İlahiyyatçı yazar.



Yorumlar

Yorum Gönder

Bu blogdaki popüler yayınlar

Müəllimə hörmət, Allaha və Onun Rəsuluna (s) hörmətdir

Resim
Ən şərəfli peşələrdən biri məhz müəllimlikdir. Hansı peşənin sahibi olursa olsun, müəllimə ehtiyaclıdır. Nəzərə alaq ki, müəllimin özü də müəllimə möhtacdır. Yeganə müəllim Allahdır ki, hər bir şeydən ehtiyacsızdır. Müəllimlik peşəsi müqəddəs bir peşədir. Bu müqəddəslik o qədər alidir ki, uca Yardanımız belə özünü müəllim adlandırır: “Allah insana Quranı öyrətdi.” (“Rəhman” surəsi, 1-2-ci ayə) “Allah insanlara bilmədiklərini öyrətdi.” (“Rəhman” surəsi, 5)   “Allah Adəmə müəllimlik etdi. Ona elm öyrətdi”. (“Bəqərə” surəsi, 31) Müəllimlik peyğəmbərlərin sifətlərindəndi. Allah byurur: “Peyğəmbərləri sizə müəllimlik etsin deyə göndərmişik.” Hədis: “Biz peyğəmbərlər ona görə gəlmişik ki, insanlara müəllimlik edək. Onlara bilmədiklərini öyrədək.” Müəllimlik o qədər ucadır ki, Həzrəti Əli (ə) buyurardı: “Kim mənə bir hərf öyrətsə ona qul olaram” Müəllimə necə hörmət edək? Bir neçəsini qeyd edək: 1. Həzrəti Əli (ə) buyurur: Şah da olsan, hakim də olsan müəllimin gələ...
Devamı

"Radikal və Radikalizm." - Elmi terminin faciəli aqibəti

Resim
Radikal – Nədir radikal və kimdir radikal? Bəzilərinin bilib bilmədən danışdığı, haqq-nahaq istifadə etdiyi bir söz... Radikal fransız (bəzi kitablarda yunan (latın) ) sözü olub, köklü dəyişiklik tərəfdarı, mənasına gəlir. Əlbəttə bu onun ilk və bir mənasıdır. Bu söz müxtəlif elmi sahələrdə də istifadə edilmişdir. Radikal sözü elmdə. Radikal sözü Riyaziyyatda: “Kökalma əməliyyatını, eləcə də kökalmanın nəticəsini göstərən işarə (√).” Radikal sözü Kimyada: “Bir birləşmədən digərinə dəyişikliksiz keçən atomlar qrupu.” Radikal sözü Siyasətdə: “Baxışlarında və dəyişikliklərdə kəskin mövqe tutan və radikalizm tərəfdarı olan şəxs.” “Radikallar partiyasının (sol siyasi partiyalardan birinin) üzvü, yaxud onun tərəfdarı olan şəxs (bu partiyaların proqramında dövlət çərçivəsində və onun mənafeyinə uyğun olaraq demokratik islahat irəli sürülür).” Radikal sözü, lüğətdəki mənaları. Radikal sözünün xüsusi mənası: - Radikal odur ki, fikir və ya əməldə həddi aşır. (Unutmayaq ki...
Devamı

Dünyasını dəyişənlərə ağlamaq və onlara yas saxlamaq olarmı? (Quran, hədis, tarix)

Resim
Ağlamaq fitri bir işdir: Əvvəla bunu bilək ki, insanın ağlaması fitri bir məsələdir. Yəni bu işi Allah özü insanın daxilində qərar vermişdir. Elə buna görə də heç bir ilahi hökm insan fitrətinə zidd deyildir. İnsanoğlu yaşayışında müxtəlif hadisələrlə qarşılaşır. Hadisələr gərəyi bəzən insan gülür bəzən isə ağlayır. Ağlamaq və gülmək insanoğlunun təbii ehtiyacıdır. İnsana üz verən müsibət zamanı ağlamaq insanı daxili böhrandan, acıdan uzaqlaşdırır. İnsan bəzən qəm və qüssədən ağalayarkən, bəzən isə sevincdən ağlayır. Dilimizdə də istifadə olunan “sevinc göz yaşları” bu halın sözlə ifadəsidir. Göz yaşı qəlbdə olan acının kədərin görünən formasıdır. Göz yaşı batindəki acının zahirdəki təcəssümüdür. Quran və dini rəvayətlərdə gəlmişdir ki, insan ağlamaq vasitəsi ilə qəlbinin pasını təmizləyir və tövbə üçün zəmin yaradır. Tövbənin daha tez qəbul olunma şərtindən biri də ağlar gözlə edilən duadır. Bir sözlə ağlamağın insana həm tibbi, həm ruhi həm də siyasi faydası vardır. Saxta ...
Devamı