Peyğəmbərlər (ə) səhv edibmi?


“Quran müqəddəs deyil, adi kağız parçasıdır” iddiasını irəli sürənlər həm də iddia edirlər ki, Allahın insanlara göndərdiyi peyğəmbərlər (ə) də günah əhlidirlər, günahkardırlar. Əlbəttə bu iddiada yanlış və müqəddəs kitabımız olan Qurana ziddir. Çünki, Quran bütün peyğəmbərləri günah və xətadan pak bilir.
Bu cür səhv düşüncə və təfəkkür ona görə bəzilərini əsir alıb ki, onlar təəssüf ki, hələ də peyğəmbərləri tanımayıblar. Hər bir peyğəmbərdə olması vacib olan, sifətlər vardır ki, onları aşağıdakı kimi sıralaya bilərik;

1. Sidq – Doğruluq. Bütün peyğəmbərlər doğru danışan olublar. Peyğəmbərlər heç bir halda, hətta zarafat halında da yalan danışmayıblar. Allah Rəsulunun (s) bu mənaya gələn bir hədisi vardır. O həzrət buyurur: “Mən zarafat edirəm, amma haqq sözdən başqa söz demirəm” (Tirmizi, Birr – 57).
2. Əmanət – Bütün peyğəmbərlər əmanətdardırlar. Heç bir halda, hətta düşmənlərinə də xəyanət etməzlər.
3. Fətanət – Bütün peyğəmbərlər ağıl və idrakda ən kamil olanlardır. Bunun əksi axmaqlıqdır ki, bütün peyğəmbərlər bu sifətdən çox-çox uzaqdırlar.
4. Təbliğ – Bütün peyğəmbərlər Allahın onlara nazil etdiklərini ən kamil şəkildə təbliğ edib, insanlara catdırmışlar. Hətta bu yolda, işgəncələrə məruz qalıb, Allah yolunda şəhid olsalar belə.
5. İsmət- İsmət yəni – peyğəmbərin məsumluğu, onun günahdan pak olması, günah və xətalardan uzaq olması. Bütün peyğəmbərlər günahdan və xətalardan uzaqdırlar.
Bütün peyğəmbərlərdə İsmət sifəti olduğu halda, hələ də kimsə peyğəmbərlərə günah nisbət verirsə, onda o, ya bu İsmət sifətini dərk edib qavramır, ya da ki, məsələni bilərəkdən təhrif edir.
Biz keçən mövzumuzda qeyd etdik ki;
1. Allah müqəddəsdir. (Həşr 23, Cümə 1)
2. Mələklər Allahı müqəddəs hesab edir. (Bəqərə 30)
3. Hz Cəbrayılın (ə) müqəddəs adlandırılması – (Bəqərə 87, 253, Maidə 110, Nəhl 102)
4.Məkanın müqəddəs adlandırılması. (Taha 12, Naziat 16)
5.Torpağın, ərazinin müqəddəs adlandırılması (Maidə 21)
Bütün bunlardan məlum olur ki, vəhyin nazil olduğu ərazi və yerlər ilahi vəhyə xatir müqəddəs olur. Maraqlıdır bəs necə ola bilə bilər ki, o vəhyin nazil olduğu qəlb, vücud müqəddəs – yəni pak (bütün xəta və günahlardan) mübarək, bərəkətli olmaya? Allah günaha aludə olmuş bir vücuda öz pak ayələrini nazil edərmi? Əsla!
Bu cür, çox sadə üsulla da anlamaq olur ki, peyğəmbərlər günah və xətalardan uzaqdırlar.
Mahir Şəkərov – İlahiyyatçı, araşdırmaçı.




Yorumlar

Yorum Gönder

Bu blogdaki popüler yayınlar

Müəllimə hörmət, Allaha və Onun Rəsuluna (s) hörmətdir

Resim
Ən şərəfli peşələrdən biri məhz müəllimlikdir. Hansı peşənin sahibi olursa olsun, müəllimə ehtiyaclıdır. Nəzərə alaq ki, müəllimin özü də müəllimə möhtacdır. Yeganə müəllim Allahdır ki, hər bir şeydən ehtiyacsızdır. Müəllimlik peşəsi müqəddəs bir peşədir. Bu müqəddəslik o qədər alidir ki, uca Yardanımız belə özünü müəllim adlandırır: “Allah insana Quranı öyrətdi.” (“Rəhman” surəsi, 1-2-ci ayə) “Allah insanlara bilmədiklərini öyrətdi.” (“Rəhman” surəsi, 5)   “Allah Adəmə müəllimlik etdi. Ona elm öyrətdi”. (“Bəqərə” surəsi, 31) Müəllimlik peyğəmbərlərin sifətlərindəndi. Allah byurur: “Peyğəmbərləri sizə müəllimlik etsin deyə göndərmişik.” Hədis: “Biz peyğəmbərlər ona görə gəlmişik ki, insanlara müəllimlik edək. Onlara bilmədiklərini öyrədək.” Müəllimlik o qədər ucadır ki, Həzrəti Əli (ə) buyurardı: “Kim mənə bir hərf öyrətsə ona qul olaram” Müəllimə necə hörmət edək? Bir neçəsini qeyd edək: 1. Həzrəti Əli (ə) buyurur: Şah da olsan, hakim də olsan müəllimin gələ...
Devamı

"Radikal və Radikalizm." - Elmi terminin faciəli aqibəti

Resim
Radikal – Nədir radikal və kimdir radikal? Bəzilərinin bilib bilmədən danışdığı, haqq-nahaq istifadə etdiyi bir söz... Radikal fransız (bəzi kitablarda yunan (latın) ) sözü olub, köklü dəyişiklik tərəfdarı, mənasına gəlir. Əlbəttə bu onun ilk və bir mənasıdır. Bu söz müxtəlif elmi sahələrdə də istifadə edilmişdir. Radikal sözü elmdə. Radikal sözü Riyaziyyatda: “Kökalma əməliyyatını, eləcə də kökalmanın nəticəsini göstərən işarə (√).” Radikal sözü Kimyada: “Bir birləşmədən digərinə dəyişikliksiz keçən atomlar qrupu.” Radikal sözü Siyasətdə: “Baxışlarında və dəyişikliklərdə kəskin mövqe tutan və radikalizm tərəfdarı olan şəxs.” “Radikallar partiyasının (sol siyasi partiyalardan birinin) üzvü, yaxud onun tərəfdarı olan şəxs (bu partiyaların proqramında dövlət çərçivəsində və onun mənafeyinə uyğun olaraq demokratik islahat irəli sürülür).” Radikal sözü, lüğətdəki mənaları. Radikal sözünün xüsusi mənası: - Radikal odur ki, fikir və ya əməldə həddi aşır. (Unutmayaq ki...
Devamı

Dünyasını dəyişənlərə ağlamaq və onlara yas saxlamaq olarmı? (Quran, hədis, tarix)

Resim
Ağlamaq fitri bir işdir: Əvvəla bunu bilək ki, insanın ağlaması fitri bir məsələdir. Yəni bu işi Allah özü insanın daxilində qərar vermişdir. Elə buna görə də heç bir ilahi hökm insan fitrətinə zidd deyildir. İnsanoğlu yaşayışında müxtəlif hadisələrlə qarşılaşır. Hadisələr gərəyi bəzən insan gülür bəzən isə ağlayır. Ağlamaq və gülmək insanoğlunun təbii ehtiyacıdır. İnsana üz verən müsibət zamanı ağlamaq insanı daxili böhrandan, acıdan uzaqlaşdırır. İnsan bəzən qəm və qüssədən ağalayarkən, bəzən isə sevincdən ağlayır. Dilimizdə də istifadə olunan “sevinc göz yaşları” bu halın sözlə ifadəsidir. Göz yaşı qəlbdə olan acının kədərin görünən formasıdır. Göz yaşı batindəki acının zahirdəki təcəssümüdür. Quran və dini rəvayətlərdə gəlmişdir ki, insan ağlamaq vasitəsi ilə qəlbinin pasını təmizləyir və tövbə üçün zəmin yaradır. Tövbənin daha tez qəbul olunma şərtindən biri də ağlar gözlə edilən duadır. Bir sözlə ağlamağın insana həm tibbi, həm ruhi həm də siyasi faydası vardır. Saxta ...
Devamı