Quran deyir ki, namazı ələ salıb, məsxərə etmək, münafiqlərin işidir.


Vüsal Məmmədov, jurnalist, ateizmi müdafiə edən,
Dini, elmlə qarşı-qarşıya qoyan,
Zaman-zaman, namaz qılanları məsxərə edən,
Vaxti ilə qatı əhkamçı olub, ateistlərə nifrət edən,
Vəhyi inkar edərək, Quranın Allah tərəfindən gəlmədiyini iddia edən,
Quranın oxunuşundan narahat olan, əzab çəkən və hətta bezən,
Vaxtı ilə Hənəfi məzhəbinin guya davamçısı olan,
Qiyamət gününün əzabından zərrə qədər qorxmadığını dildə iddia edən,
Elmi səviyyəsi Lut gölünün ətrafından daha da aşağı olan,
Darvinin çökmüş və məhv olmuş nəzəriyyəsini zaman-zaman diriltməyə çalışan,
Elşad Miriyə “dostum” deyərək müraciət edən və s.

Bütün bunları Vüsal Məmmədovun müsahibələrindən cəm etmişik. Başqa sözlə, bu deyilənləri elə özü etiraf edir və böyük iftixarla danışır. Biz sadəcə onlara işarə etdik.
Və,  yenə də namazı və namaz qılanları məsxərə etdi.

Atesit, Vüsal Məmmədov: “Namaz qılanlar bilirlər: lap axırda çiynində oturan mələklərə salam verməlisən. Təsəvvür elə: yekə bir bir adam oturub, gözucu sağ və sol çiyinlərinə baxaraq, oradakı mələklərlə salamlaşır. Yəni ciddi şəkildə inanır ki, çiynində mələk oturub! Bu, artıq, cəhalət də deyil, bunun adı şizofreniyadır. Elmi dildə buna "Reallıqda mövcud olmayan zoomorfik canlılarla xəyali ünsiyyət şəklində hallüsinasiya" deyirlər. Mənə inanmayan varsa, psixiatrlardan soruşun, sizə izah edər”.

Əgər bir nəfər həqiqəti görmək istəməsə, hətta ən Allahın peyğəmbəri də onu hidayət edə bilməz. Çünki, o, həqiqəti eşitmək, görmək və qəbul etmək istəmir. Bəndəçilik nişanəsi sayılan namazın məsxərə olunması yeni bir addım deyil, İslam düşmənləri əsrlər öncə də namaza və namaz qılanlara məsxərə etmişlər. Quran, bu həqiqəti belə çatdırır: “Siz (bir-birinizi) namaza çağırdığınız zaman onlar onu oyun-oyuncaq sayarlar. Bu, onların anlamaz bir tayfa olmalarındandır.” (Maidə 58)
Deməli, namazı ələ-salıb məsxərə etmək, həmin şəxslərin düşüncəsizliyndən irəli gəlir. Bu ayənin təfsirinə, nazil olma səbəblərinə baxdıqda məlum olur ki, ayə, həm də iki münafiq barəsində nazil olub. Təfisirlərdə (Təfsirul-Kəbir, Məcməul-Bəyan) qeyd olunur ki, zahirən müsəlman olmuş iki münafiq namaz qılanları ələ salır, məsxərə edirdilər. Daha sonra Allah bu ayəni nazil etdi.  
Odur ki, belə şəxsləri müasir zamanda da gördükdə bu ayələri xatırlayın və tarixə nəzər salın. Yəqin bilin ki, bu kimilər dini məsxərə etməklə, onu aradan apara bilməzlər.
“Onlar Allahın nurunu (islam dinini) öz ağızları (öz iftiraları və şər sözləri) ilə söndürmək istəyirlər. Allah isə – kafirlərin xoşuna gəlməsə də, öz nurunu (dinini) tamamlayacaqdır”. (Saff 8)

Mahir Şəkərov – İlahiyyatçı, araşdırmaçı.




Yorumlar

Yorum Gönder

Bu blogdaki popüler yayınlar

Müəllimə hörmət, Allaha və Onun Rəsuluna (s) hörmətdir

Resim
Ən şərəfli peşələrdən biri məhz müəllimlikdir. Hansı peşənin sahibi olursa olsun, müəllimə ehtiyaclıdır. Nəzərə alaq ki, müəllimin özü də müəllimə möhtacdır. Yeganə müəllim Allahdır ki, hər bir şeydən ehtiyacsızdır. Müəllimlik peşəsi müqəddəs bir peşədir. Bu müqəddəslik o qədər alidir ki, uca Yardanımız belə özünü müəllim adlandırır: “Allah insana Quranı öyrətdi.” (“Rəhman” surəsi, 1-2-ci ayə) “Allah insanlara bilmədiklərini öyrətdi.” (“Rəhman” surəsi, 5)   “Allah Adəmə müəllimlik etdi. Ona elm öyrətdi”. (“Bəqərə” surəsi, 31) Müəllimlik peyğəmbərlərin sifətlərindəndi. Allah byurur: “Peyğəmbərləri sizə müəllimlik etsin deyə göndərmişik.” Hədis: “Biz peyğəmbərlər ona görə gəlmişik ki, insanlara müəllimlik edək. Onlara bilmədiklərini öyrədək.” Müəllimlik o qədər ucadır ki, Həzrəti Əli (ə) buyurardı: “Kim mənə bir hərf öyrətsə ona qul olaram” Müəllimə necə hörmət edək? Bir neçəsini qeyd edək: 1. Həzrəti Əli (ə) buyurur: Şah da olsan, hakim də olsan müəllimin gələ...
Devamı

"Radikal və Radikalizm." - Elmi terminin faciəli aqibəti

Resim
Radikal – Nədir radikal və kimdir radikal? Bəzilərinin bilib bilmədən danışdığı, haqq-nahaq istifadə etdiyi bir söz... Radikal fransız (bəzi kitablarda yunan (latın) ) sözü olub, köklü dəyişiklik tərəfdarı, mənasına gəlir. Əlbəttə bu onun ilk və bir mənasıdır. Bu söz müxtəlif elmi sahələrdə də istifadə edilmişdir. Radikal sözü elmdə. Radikal sözü Riyaziyyatda: “Kökalma əməliyyatını, eləcə də kökalmanın nəticəsini göstərən işarə (√).” Radikal sözü Kimyada: “Bir birləşmədən digərinə dəyişikliksiz keçən atomlar qrupu.” Radikal sözü Siyasətdə: “Baxışlarında və dəyişikliklərdə kəskin mövqe tutan və radikalizm tərəfdarı olan şəxs.” “Radikallar partiyasının (sol siyasi partiyalardan birinin) üzvü, yaxud onun tərəfdarı olan şəxs (bu partiyaların proqramında dövlət çərçivəsində və onun mənafeyinə uyğun olaraq demokratik islahat irəli sürülür).” Radikal sözü, lüğətdəki mənaları. Radikal sözünün xüsusi mənası: - Radikal odur ki, fikir və ya əməldə həddi aşır. (Unutmayaq ki...
Devamı

Dünyasını dəyişənlərə ağlamaq və onlara yas saxlamaq olarmı? (Quran, hədis, tarix)

Resim
Ağlamaq fitri bir işdir: Əvvəla bunu bilək ki, insanın ağlaması fitri bir məsələdir. Yəni bu işi Allah özü insanın daxilində qərar vermişdir. Elə buna görə də heç bir ilahi hökm insan fitrətinə zidd deyildir. İnsanoğlu yaşayışında müxtəlif hadisələrlə qarşılaşır. Hadisələr gərəyi bəzən insan gülür bəzən isə ağlayır. Ağlamaq və gülmək insanoğlunun təbii ehtiyacıdır. İnsana üz verən müsibət zamanı ağlamaq insanı daxili böhrandan, acıdan uzaqlaşdırır. İnsan bəzən qəm və qüssədən ağalayarkən, bəzən isə sevincdən ağlayır. Dilimizdə də istifadə olunan “sevinc göz yaşları” bu halın sözlə ifadəsidir. Göz yaşı qəlbdə olan acının kədərin görünən formasıdır. Göz yaşı batindəki acının zahirdəki təcəssümüdür. Quran və dini rəvayətlərdə gəlmişdir ki, insan ağlamaq vasitəsi ilə qəlbinin pasını təmizləyir və tövbə üçün zəmin yaradır. Tövbənin daha tez qəbul olunma şərtindən biri də ağlar gözlə edilən duadır. Bir sözlə ağlamağın insana həm tibbi, həm ruhi həm də siyasi faydası vardır. Saxta ...
Devamı