Elmin həqiqətini öyrənin


“Elm” öyrənmək sözündəndir. İnsan öyrənir... İnsan yenə öyrənir... Və insan çox şey öyrənir. Bu elmin zahiri tərəfidir, ki nə qədər öyrənsək də, yenə də bilmirik, yenə də öyrənməyə ehtiyac var. İnsanın biliyi artdıqca təvazösü də çoxalmalıdır. Əbəs yerə, elm əhlini bar verən ağaca bənzətməyiblər ki...
Ağac bar verdikcə başını aşağı əyir. Görəsən hansı qüvvədir ki, qüdrəti olan (elmi olan) şəxsə təvazönü əmr edir.
Hədisdə buyrulur: “Elm bir nurdur ki, Allah istədiyi bəndənin qəlbinə qoyar.” Deməli, zahiri kitab, yazı olan bu elm məcmuəsi əsl həqiqətdə nur imiş. Və ya belə deyək; Mənəvi aləmdə elm nur kimi təzahür edəcək. Zahiri elmi həqiqi elmə çevirmək üçün nə edək?
Quran özü bu məsələyə cavab verir. Ümumiyyətlə Quran elm öyrənməyin xüsusi düsturunu bizə verir:
“Allahdan qorxun, Allah sizə öyrədir.” (“Bəqərə” 282)
Deməli, təqva yolunu seçsək, Allah o nuru qəlbimizə daxil edər. Elmin həqiqəti təqva yolunu tutmağımızdan başlayır. Əgər belə olsa, onda növbəti ayə halımıza şamil olar:  “Allahdan Öz bəndələri içərisində ancaq alimlər qorxar. (Onlar elm sahibi olduqları üçün Allahın vəhdaniyyətini, heybət və əzəmətini daha yaxşı başa düşür və Ondan daha çox qorxurlar). Həqiqətən, Allah yenilməz qüvvət sahibidir, (möminləri) bağışlayandır!” (“Fatir” 28)
Görürsünüzmü ayələr arasındakı bağlılığı? Təqva yolunu seçib, pəhrizkar olsaq, onda Allah nurunu qəlbimizə daxil edər. Bu və bu kimi digər ayələri də yazıb geniş bir məqalə, araşdırma etmək olar.
Bunları yazmaqda məqsədim budur ki, elm yolunu seçən hər bir tələbə və şagird gərək elmin əsl həqiqətinə yiyələnə. Əlbəttə, oxumaq səy göstərmək zahir də olsa şərtdir. Demək istədiyim budur ki, elmin zahirinə yiyələndikdən sonra elmin həqiqətinin axtarışına çıxaq. Uzağa yox, öz daxilimizə səfər edək, təqva toxumlarını səpib, onu təvazö suyu ilə suvaraq. Paxıllıq, təkəbbür, xudpəsənlik kimi alaq otlarını kökündən qazıyıb, qəlbimizdən çıxaraq. Necə ki alaq otları təqva ağacının inkişafına mane olur və onun pöhrə vurub ucalmasının qarşısını alır, içimizdəki alaq otlarını da (paxıllıq, təkəbbür, xudpəsənlik) təmizləməsək, digərlərinin inşafını gördükdə bunu həzm edə bilməyib, təkəbbür göstərəcəyik.
Çalışın elmin həqiqətini öyrənin. Təqvalı olaq ki, müəllimimiz Allah olsun. (“Bəqərə” 282)

Mahir Şəkərov – İlahiyyatçı araşdırmaçı.

Yorumlar

Yorum Gönder

Bu blogdaki popüler yayınlar

Müəllimə hörmət, Allaha və Onun Rəsuluna (s) hörmətdir

Resim
Ən şərəfli peşələrdən biri məhz müəllimlikdir. Hansı peşənin sahibi olursa olsun, müəllimə ehtiyaclıdır. Nəzərə alaq ki, müəllimin özü də müəllimə möhtacdır. Yeganə müəllim Allahdır ki, hər bir şeydən ehtiyacsızdır. Müəllimlik peşəsi müqəddəs bir peşədir. Bu müqəddəslik o qədər alidir ki, uca Yardanımız belə özünü müəllim adlandırır: “Allah insana Quranı öyrətdi.” (“Rəhman” surəsi, 1-2-ci ayə) “Allah insanlara bilmədiklərini öyrətdi.” (“Rəhman” surəsi, 5)   “Allah Adəmə müəllimlik etdi. Ona elm öyrətdi”. (“Bəqərə” surəsi, 31) Müəllimlik peyğəmbərlərin sifətlərindəndi. Allah byurur: “Peyğəmbərləri sizə müəllimlik etsin deyə göndərmişik.” Hədis: “Biz peyğəmbərlər ona görə gəlmişik ki, insanlara müəllimlik edək. Onlara bilmədiklərini öyrədək.” Müəllimlik o qədər ucadır ki, Həzrəti Əli (ə) buyurardı: “Kim mənə bir hərf öyrətsə ona qul olaram” Müəllimə necə hörmət edək? Bir neçəsini qeyd edək: 1. Həzrəti Əli (ə) buyurur: Şah da olsan, hakim də olsan müəllimin gələ...
Devamı

"Radikal və Radikalizm." - Elmi terminin faciəli aqibəti

Resim
Radikal – Nədir radikal və kimdir radikal? Bəzilərinin bilib bilmədən danışdığı, haqq-nahaq istifadə etdiyi bir söz... Radikal fransız (bəzi kitablarda yunan (latın) ) sözü olub, köklü dəyişiklik tərəfdarı, mənasına gəlir. Əlbəttə bu onun ilk və bir mənasıdır. Bu söz müxtəlif elmi sahələrdə də istifadə edilmişdir. Radikal sözü elmdə. Radikal sözü Riyaziyyatda: “Kökalma əməliyyatını, eləcə də kökalmanın nəticəsini göstərən işarə (√).” Radikal sözü Kimyada: “Bir birləşmədən digərinə dəyişikliksiz keçən atomlar qrupu.” Radikal sözü Siyasətdə: “Baxışlarında və dəyişikliklərdə kəskin mövqe tutan və radikalizm tərəfdarı olan şəxs.” “Radikallar partiyasının (sol siyasi partiyalardan birinin) üzvü, yaxud onun tərəfdarı olan şəxs (bu partiyaların proqramında dövlət çərçivəsində və onun mənafeyinə uyğun olaraq demokratik islahat irəli sürülür).” Radikal sözü, lüğətdəki mənaları. Radikal sözünün xüsusi mənası: - Radikal odur ki, fikir və ya əməldə həddi aşır. (Unutmayaq ki...
Devamı

Dünyasını dəyişənlərə ağlamaq və onlara yas saxlamaq olarmı? (Quran, hədis, tarix)

Resim
Ağlamaq fitri bir işdir: Əvvəla bunu bilək ki, insanın ağlaması fitri bir məsələdir. Yəni bu işi Allah özü insanın daxilində qərar vermişdir. Elə buna görə də heç bir ilahi hökm insan fitrətinə zidd deyildir. İnsanoğlu yaşayışında müxtəlif hadisələrlə qarşılaşır. Hadisələr gərəyi bəzən insan gülür bəzən isə ağlayır. Ağlamaq və gülmək insanoğlunun təbii ehtiyacıdır. İnsana üz verən müsibət zamanı ağlamaq insanı daxili böhrandan, acıdan uzaqlaşdırır. İnsan bəzən qəm və qüssədən ağalayarkən, bəzən isə sevincdən ağlayır. Dilimizdə də istifadə olunan “sevinc göz yaşları” bu halın sözlə ifadəsidir. Göz yaşı qəlbdə olan acının kədərin görünən formasıdır. Göz yaşı batindəki acının zahirdəki təcəssümüdür. Quran və dini rəvayətlərdə gəlmişdir ki, insan ağlamaq vasitəsi ilə qəlbinin pasını təmizləyir və tövbə üçün zəmin yaradır. Tövbənin daha tez qəbul olunma şərtindən biri də ağlar gözlə edilən duadır. Bir sözlə ağlamağın insana həm tibbi, həm ruhi həm də siyasi faydası vardır. Saxta ...
Devamı