Onlar dini aradan aparmaq istəyir, Aşura və Hüseyn (ə) bəhanədir


Məhərrəm ayı Yezidləri tanımaq üçün gözəl fürsətdir...
   
Bir neçə gündür ki, bəzi nadanlar kütləvi şəkildə öz batinlərindəki çirkinliklərini sözün əsl mənasında biruzə verirlər. Bunlara cavab vermək əvəzinə, onların əsl məqsədlərini sizə çatdırmağa qərar verdim.
Əvvəla, tənqid hər zaman qəbul ediləndir. Ağıllı insan sağlam tənqiddən qorxmaz, əksinə ondan nəticə çıxarar. Amma istər şəxsləri ya onların müqəddəs hesab etdiklərini təhqir etmək, yolverilməzdir. İnsan şəxsiyyətini bu və ya digər şəkildə alçatmaq heç bir əxlaqi və hüquqi normalara sığmır. Bütpərəstələrin müqəddəs bildiyi bütü də təhqir etməyə icazə verməyən dinin (“Ənam” surəsi, 106), ən üstün  şəxsiyyətləri bu gün təqhirə məruz qalır. Onların təhqiri elə İslamın təhqir olunmasıdır. İslami dəyərlərə, o dəyərləri özündə ehtiva edən hər bir şey müsəlmanlar üçün müqəddəs sayıldığından onlara hörmətlə yanaşılmalı və əsla təhqirə yol verilməməlidir. Ümumiyyətlə, normal bir şəxs heç zaman digərlərini təhqir etməz.
Bəzi xəbislərin fəzilətli şəxsləri təhqir etməsi əslində, onların daxili çrikinliyinin göstəricisidir. Quran, hədis və tarixi hadisələri təhlil etdikdə anlayırıq ki bu kimi şəxslər iki səbəbdən dolayı fəzilətli şəxsləri təhqir edirlər:
1. Cəmiyyətdə olan fəzilətli şəxslərin, üstünlüyünü həzm edə bilməmək.
2. Onların paklığına, dürüstlüyünə dözə bilməmək.
Qarşı tərəf özündə həmin ilahi dəyərləri görmədikdə, yaxud həmin dəyərlərə sahib olanların sevildiyini gördükdə və ya bu fəzilətlərə yetişə bilmədikdə həmin uca və fəzilətli insanları öz səviyyələrinə salmağa çalışırlar. Təhqir, eyib və nöqsanları ona nisbət vermək, müxtəlif yersiz iradları ona bildirmək və sair rəzil yollarla onun uca məqamına dil uzadırlar.  Səbəbi də paxıllıq, həsəd, kin, onların fəzilətini  həzm edə bilməmək kimi sıralamaq olar.
Məgər Yezid Aşura günü demirdi ki, “Biz  bu gün Bədirdəki babalarımızın intiqamını aldıq.” Baxın kin və həsədin batindəki tuğyanına, nəticəsinə...
Bədir döyüşündən illər keçsədə o kin qəlblərinin dərinliklərində kök atmışdı. Nəhayət Aşura və Məhərrəm bu kini üzə çıxartdı. Onların əsl xislətini, insandan daha da aşağı olmalarını aydın şəkildə biruzə verdi.  Yezidlər bu gün də var. Məhərrəmlər, Aşuralar onları bizə tanıtdırır. Necə ki, Kərbəla səhrasında Aşura hadisəsi ilə xalis möminlər və kafirlər tam və əyani şəkildə hamıya isbat olundu. Yezid qoşununda olan bəziləri, Hüseynə (ə) tərəf gələrkən, Hüseynin (ə) yanında möminlik iddiasında olan bəziləri də, dünyəvi bəhanələrlə oradan uzaqlaşdılar. 
Bu gün də Məhərrəmdir. Və bu üstün şəxslərin fəzilətini dərk etməyənlər yenə də, Yezid kimi batinlərindəkini biruzə verirlər. “Hər gün Aşura, hər yer Kərbəla” deyimi əbəs yerə dillər əzbəri olmayıb. Hər gün haqq və batil üz-üzədir. Hər yer Kərbəladır, hər yerdə haqq və batilin mübarizəsi davam edir və Qiyamətə qədər də bu proses davam edəcəkdir. Odur ki, bu günlərdə öz daxilindəki kinlərini biruzə verən Yezidləri tanımaq üçün gözəl fürsətdir. Siz bu gün də onlara qarşı çıxmaqla öz mövqeyinizi müəyyən edirsiz ki, “Biz Yezidin yanında yox, Hz Hüseynin (ə) yanındayıq. 
Ey münafiq dəstə! Yazın, cızın ta ki, daxilinizdəki nifaq,  öz əlinizlə üzə çıxsın. 

Mahir Şəkərov – İlahiyyatçı, araşdırmaçı.



Yorumlar

Yorum Gönder

Bu blogdaki popüler yayınlar

Müəllimə hörmət, Allaha və Onun Rəsuluna (s) hörmətdir

Resim
Ən şərəfli peşələrdən biri məhz müəllimlikdir. Hansı peşənin sahibi olursa olsun, müəllimə ehtiyaclıdır. Nəzərə alaq ki, müəllimin özü də müəllimə möhtacdır. Yeganə müəllim Allahdır ki, hər bir şeydən ehtiyacsızdır. Müəllimlik peşəsi müqəddəs bir peşədir. Bu müqəddəslik o qədər alidir ki, uca Yardanımız belə özünü müəllim adlandırır: “Allah insana Quranı öyrətdi.” (“Rəhman” surəsi, 1-2-ci ayə) “Allah insanlara bilmədiklərini öyrətdi.” (“Rəhman” surəsi, 5)   “Allah Adəmə müəllimlik etdi. Ona elm öyrətdi”. (“Bəqərə” surəsi, 31) Müəllimlik peyğəmbərlərin sifətlərindəndi. Allah byurur: “Peyğəmbərləri sizə müəllimlik etsin deyə göndərmişik.” Hədis: “Biz peyğəmbərlər ona görə gəlmişik ki, insanlara müəllimlik edək. Onlara bilmədiklərini öyrədək.” Müəllimlik o qədər ucadır ki, Həzrəti Əli (ə) buyurardı: “Kim mənə bir hərf öyrətsə ona qul olaram” Müəllimə necə hörmət edək? Bir neçəsini qeyd edək: 1. Həzrəti Əli (ə) buyurur: Şah da olsan, hakim də olsan müəllimin gələ...
Devamı

"Radikal və Radikalizm." - Elmi terminin faciəli aqibəti

Resim
Radikal – Nədir radikal və kimdir radikal? Bəzilərinin bilib bilmədən danışdığı, haqq-nahaq istifadə etdiyi bir söz... Radikal fransız (bəzi kitablarda yunan (latın) ) sözü olub, köklü dəyişiklik tərəfdarı, mənasına gəlir. Əlbəttə bu onun ilk və bir mənasıdır. Bu söz müxtəlif elmi sahələrdə də istifadə edilmişdir. Radikal sözü elmdə. Radikal sözü Riyaziyyatda: “Kökalma əməliyyatını, eləcə də kökalmanın nəticəsini göstərən işarə (√).” Radikal sözü Kimyada: “Bir birləşmədən digərinə dəyişikliksiz keçən atomlar qrupu.” Radikal sözü Siyasətdə: “Baxışlarında və dəyişikliklərdə kəskin mövqe tutan və radikalizm tərəfdarı olan şəxs.” “Radikallar partiyasının (sol siyasi partiyalardan birinin) üzvü, yaxud onun tərəfdarı olan şəxs (bu partiyaların proqramında dövlət çərçivəsində və onun mənafeyinə uyğun olaraq demokratik islahat irəli sürülür).” Radikal sözü, lüğətdəki mənaları. Radikal sözünün xüsusi mənası: - Radikal odur ki, fikir və ya əməldə həddi aşır. (Unutmayaq ki...
Devamı

Dünyasını dəyişənlərə ağlamaq və onlara yas saxlamaq olarmı? (Quran, hədis, tarix)

Resim
Ağlamaq fitri bir işdir: Əvvəla bunu bilək ki, insanın ağlaması fitri bir məsələdir. Yəni bu işi Allah özü insanın daxilində qərar vermişdir. Elə buna görə də heç bir ilahi hökm insan fitrətinə zidd deyildir. İnsanoğlu yaşayışında müxtəlif hadisələrlə qarşılaşır. Hadisələr gərəyi bəzən insan gülür bəzən isə ağlayır. Ağlamaq və gülmək insanoğlunun təbii ehtiyacıdır. İnsana üz verən müsibət zamanı ağlamaq insanı daxili böhrandan, acıdan uzaqlaşdırır. İnsan bəzən qəm və qüssədən ağalayarkən, bəzən isə sevincdən ağlayır. Dilimizdə də istifadə olunan “sevinc göz yaşları” bu halın sözlə ifadəsidir. Göz yaşı qəlbdə olan acının kədərin görünən formasıdır. Göz yaşı batindəki acının zahirdəki təcəssümüdür. Quran və dini rəvayətlərdə gəlmişdir ki, insan ağlamaq vasitəsi ilə qəlbinin pasını təmizləyir və tövbə üçün zəmin yaradır. Tövbənin daha tez qəbul olunma şərtindən biri də ağlar gözlə edilən duadır. Bir sözlə ağlamağın insana həm tibbi, həm ruhi həm də siyasi faydası vardır. Saxta ...
Devamı