"Quran müqəddəs deyil" - deyənlərin "Məzəli İncil" layihəsi

Müqəddəsliyi inkar edənlərin məqsədi “Məzəli İncil” layihəsini ölkəmizdə tətbiq etmək istəyənlərdir
Hamı müqəddəslikdən yazır. Biz də yazdıq. Qoy bir də yazaq. Nə yazım? Müqəddəsliyin terminoloji ya lüğəti mənalarını? Müqəddəslik barədə hədis və rəvayətlər? Bəlkə Qurandan isbat edək? Bunların hər biri ayrı-ayrılıqda müxtəlif baxış bucaqlarından təhlil olunaraq yazıldı. Bəs nəticə?

Nəticəni Quran ayələrindən öyrənmək çətin deyil. Quran bu qism insanları, lal, kar və kor olaraq vəsf edir. Zahirdə lal, kar və kor deyillər. Amma özlərini lallığa, karlığa və korluğa vurublar. İlahi həqiqətləri duymazlıqdan gəlib təkəbbürlük nümayiş etdirirlər.

Yaxşı, görəsən niyə bəzi nadanlar bu qədər canfəşanlıq edərək körpə uşaqlar tək “müqəddəslik yoxdur” deyə hay küy salır? Görəsən, həqiqətən belələrinin dərdi dindir? Əsla!

Görəsən, onlar Quranın tanınması yaxud oxunması üçün bu qədər təlaş edir? Əsla”

Ümumiyyətlə bu səylərin heç biri Allaha xatir deyil. Yaxşı, bəs dava nəyin davasıdır?

Müqəddəsliyi inkar edənlərin qarın ağrısı – “Məzəli İncil”.

Niyə deyirlər ki, “Quran müqəddəs deyil?”

Niyə deyirlər ki, “peyğəmbərlər məsum deyil, günah edə bilərlər.”

Bax bu niyəni çözsək, məsələ tam çılpaqlığı ilə özünü göstərəcək. Bu cür iddiaçıların əsl məqsədləri peyğəmbər və ilahi kitabları müqəddəslik çərçivəsindən xaric edib, ona istədikləri nisbəti vermək və bu iki dəyəri dəyərsizləşdirməkdir. Amma unudurlar ki, Qurana dəyər verən uca Yaradandır, nadanlar isə o nuru öz batil sözləri ilə söndürə bilməz.

Bu nadanların əsl hədəfi müqəddəs Qurani-Kərimi “Məzəli-İncil” halına salmaqdır. Xristianlıqda da bir dəstə dırnaqarası “islahatçı” peyğəmbər və kitablarını adiləşdirib, dəyərdən saldılar. İş o həddə yetişdi ki, İncildə olan ilahi həqiqətləri öz nəfslərinə uyğun təhrif etdilər. Müqəddəsliyi inkar edənlərin də məqsədi məhz elə budur. Öncə kiçik addımlarla müqəddəs kitabımız Quranı müqədəslikdən xaric etmək daha sonra isə öz batil fikirlərini oraya daxil etmək, yaxud Quranı öz fikir və əqidələrinə uyğun olaraq izah etməkdir.

Məsumluq mövzusu da belədir. Öncə peyğəmbərləri adiləşdirib sonra isə “onlar da adi insandır, onlar da günah edə bilər” deyə yalanlar uydurur və uydurduqlarını Qurana nisbət verirlər. Halbuki, Quranda peyğəmbərlərin günah etmələri ilə bağlı bircə dənə də olsun ayə yoxdur.

Quranın müqəddəsliyini inkar edən bircə dənə də olsun ayə yoxdur və sairə. Müqəddəsliyi inkar edənlərin məqsədi “Məzəli İncil” layihəsini ölkəmizdə tətbiq etmək istəyənlərdir vəssalam.

Mahir Şəkərov – İlahiyyatçı, araşdırmaçı


Yorumlar

Yorum Gönder

Bu blogdaki popüler yayınlar

"Radikal və Radikalizm." - Elmi terminin faciəli aqibəti

Resim
Radikal – Nədir radikal və kimdir radikal? Bəzilərinin bilib bilmədən danışdığı, haqq-nahaq istifadə etdiyi bir söz... Radikal fransız (bəzi kitablarda yunan (latın) ) sözü olub, köklü dəyişiklik tərəfdarı, mənasına gəlir. Əlbəttə bu onun ilk və bir mənasıdır. Bu söz müxtəlif elmi sahələrdə də istifadə edilmişdir. Radikal sözü elmdə. Radikal sözü Riyaziyyatda: “Kökalma əməliyyatını, eləcə də kökalmanın nəticəsini göstərən işarə (√).” Radikal sözü Kimyada: “Bir birləşmədən digərinə dəyişikliksiz keçən atomlar qrupu.” Radikal sözü Siyasətdə: “Baxışlarında və dəyişikliklərdə kəskin mövqe tutan və radikalizm tərəfdarı olan şəxs.” “Radikallar partiyasının (sol siyasi partiyalardan birinin) üzvü, yaxud onun tərəfdarı olan şəxs (bu partiyaların proqramında dövlət çərçivəsində və onun mənafeyinə uyğun olaraq demokratik islahat irəli sürülür).” Radikal sözü, lüğətdəki mənaları. Radikal sözünün xüsusi mənası: - Radikal odur ki, fikir və ya əməldə həddi aşır. (Unutmayaq ki
Devamı

Müəllimə hörmət, Allaha və Onun Rəsuluna (s) hörmətdir

Resim
Ən şərəfli peşələrdən biri məhz müəllimlikdir. Hansı peşənin sahibi olursa olsun, müəllimə ehtiyaclıdır. Nəzərə alaq ki, müəllimin özü də müəllimə möhtacdır. Yeganə müəllim Allahdır ki, hər bir şeydən ehtiyacsızdır. Müəllimlik peşəsi müqəddəs bir peşədir. Bu müqəddəslik o qədər alidir ki, uca Yardanımız belə özünü müəllim adlandırır: “Allah insana Quranı öyrətdi.” (“Rəhman” surəsi, 1-2-ci ayə) “Allah insanlara bilmədiklərini öyrətdi.” (“Rəhman” surəsi, 5)   “Allah Adəmə müəllimlik etdi. Ona elm öyrətdi”. (“Bəqərə” surəsi, 31) Müəllimlik peyğəmbərlərin sifətlərindəndi. Allah byurur: “Peyğəmbərləri sizə müəllimlik etsin deyə göndərmişik.” Hədis: “Biz peyğəmbərlər ona görə gəlmişik ki, insanlara müəllimlik edək. Onlara bilmədiklərini öyrədək.” Müəllimlik o qədər ucadır ki, Həzrəti Əli (ə) buyurardı: “Kim mənə bir hərf öyrətsə ona qul olaram” Müəllimə necə hörmət edək? Bir neçəsini qeyd edək: 1. Həzrəti Əli (ə) buyurur: Şah da olsan, hakim də olsan müəllimin gələndə
Devamı

Dünyasını dəyişənlərə ağlamaq və onlara yas saxlamaq olarmı? (Quran, hədis, tarix)

Resim
Ağlamaq fitri bir işdir: Əvvəla bunu bilək ki, insanın ağlaması fitri bir məsələdir. Yəni bu işi Allah özü insanın daxilində qərar vermişdir. Elə buna görə də heç bir ilahi hökm insan fitrətinə zidd deyildir. İnsanoğlu yaşayışında müxtəlif hadisələrlə qarşılaşır. Hadisələr gərəyi bəzən insan gülür bəzən isə ağlayır. Ağlamaq və gülmək insanoğlunun təbii ehtiyacıdır. İnsana üz verən müsibət zamanı ağlamaq insanı daxili böhrandan, acıdan uzaqlaşdırır. İnsan bəzən qəm və qüssədən ağalayarkən, bəzən isə sevincdən ağlayır. Dilimizdə də istifadə olunan “sevinc göz yaşları” bu halın sözlə ifadəsidir. Göz yaşı qəlbdə olan acının kədərin görünən formasıdır. Göz yaşı batindəki acının zahirdəki təcəssümüdür. Quran və dini rəvayətlərdə gəlmişdir ki, insan ağlamaq vasitəsi ilə qəlbinin pasını təmizləyir və tövbə üçün zəmin yaradır. Tövbənin daha tez qəbul olunma şərtindən biri də ağlar gözlə edilən duadır. Bir sözlə ağlamağın insana həm tibbi, həm ruhi həm də siyasi faydası vardır. Saxta
Devamı